Zenyov 730 min avro ilə liderliyi ələ keçirdi

“Qəbələ”nin futbolçusu Sergey Zenyovun transfer dəyəri yüksəlib.

Korner.az-ın məlumatına görə, “qırmızı-qaralar”ın forvardının transfer dəyəri 730 min avro təşkil edir.

Onun transfer qiymətinin artması “Qəbələ”nin heyətində Avrokubok matçları, həmçinin Estoniya millisində beynəlxalq görüşlər keçirməsi ilə bağlı olub. Bununlada əyalət təmsilçisinin forvardı Estoniya millisinin heyətində ən bahalı futbolçuya çevrilib.

Qeyd edək ki, Zenyov “Qəbələ”yə ötən il Moskva “Torpedo”sundan keçib.