Zeki Çelik “Yuventus”un maraq dairəsində
12.11.2025 , 18:54
“Roma” ilə müqaviləsinin müddəti mövsümün sonunda başa çatacaq Zeki Çelik karyerasını İtaliyada davam etdirə bilər.
Korner.az xarici KİV-ə istinadən xəbər verir ki, “Yuventus” yayda azad agent statusu qazanacaq türkiyəli müdafiəçini heyətinə qatmaq istəyir.
Xəbərdə bildirilir ki, Turin klubu yaxın vaxtlarda 28 yaşlı futbolçu ilə danışıqlara başlayacaq.
Bununla yanaşı, “Roma” da Çeliklə yeni sözləşmə imzalamaqda maraqlıdır. Lakin oyunçu hələlik gələcək planları ilə bağlı qəti qərar verməyib.
Qeyd edək ki, “Roma” Zeki Çeliki 2022-ci ilin yayında Fransanın “Lill” klubundan transfer edib. Türkiyə millisinin üzvü bu mövsüm “canavarlar”ın heyətində keçirdiyi 14 rəsmi matçda 1 qol vurub və 1 məhsuldar ötürmə edib.
