Azərbaycan çempionatının 12-ci turu çərçivəsində keçirilən "İnter" – AZAL (3:0) oyunundan sonra təşkil olunan mətbuat konfransında meydan sahiblərinin baş məşqçisi Zaur Svanadze jurnalistlərin suallarını cavablandırıb:
– Oyundan ehtiyatlanırdım. Səbəbi isə 5 futbolçularmızın oyunu buraxması idi. Uşaqlar gözləntilərimizi doğrultdu. Bu matçdan xeyli gözləntilərimiz var idi. Düzdü, matçın əvvəlində oyunumuz alınmadı. Qarşıda bizi 2 çətin matç gözləyir. Amma ümid edirəm ki, zədələlilərimiz həmin vaxta kimi sıraya dönəcək. Cəzalılarımız da cəzasını başa vurub, komandaya kömək edəcək.
