Bakı “İnter”inin baş məşqçisi Zaur Svanadze “Gənclərbirliyi” ilə keçirilən yoxalam oyunundan (4:0) sonra fikirlərini bildirib.
Korner.az-ın klubun saytına istinadən yaydığı xəbərə görə, gürcüstanlı mütəxəssis komandasından razılığını bildirib:
“Bu gün “Gənclərbirliyi”nin ikinci komandası ilə qarşılaşdıq. Biz də özlərini göstərmək üçün gənclərə imkan verdik. Onların sərgilədikləri oyundan razı qaldıq. Qalib gəldik, uşaqlar normal oynadılar. Odur ki, “Kolheti Poti” ilə keçiriləcək oyuna hazırlaşmağı davam etdirəcəyik”.
