“Son 18-19 gündə 6-cı oyunumuzu keçiririk. Komanda yorğun görünürdü. Yaxşı ki, qalib gəldik. Yenə zədələr seriyası başladı. Qara Qarayev və Laşa Salukvadze zədələndi”.
Korner.az-ın “Sportnet.az”a istinadən yaydığı xəbərə görə, bunu “İnter”in baş məşqçisi Zaur Svanadze deyib.
Z.Svanadze Azərbaycan Premyer Liqasının XXVI turunda “Rəvan”la keçirilmiş oyundan sonra bunları bildirib: “Qarşıda istirahət etmək üçün vaxt olacaq. Bu müddətdə inanıram ki, zədəlilər sıraya dönəcək. Ruaf fərdi məşqlər edir. Növbəti oyuna çıxmayacağı dəqiqdir. Amma məşqlərindən razıyıq. Laşa və Qaranın zədəsi barədə isə MRT müayinəsindən sonra sonra məlum olacaq. Nizami isə bu ay meydanda olmayacaq. Əvəzedici heyətdən əsas komandaya cəlb olunası futbolçular var, amma ad açıqlamaq istəmirəm”.
Gürcüstanlı mütəxəssis komandada baş məşqçi dəyişikliyi ilə bağlı yayılan məlumatlara da fikir bildirib: “Bu barədə rəhbərliklə heç bir söhbət olmayıb. Hazırda üçüncü yerdə gedirik və nəticələrimiz pis deyil ki, məşqçi dəyişikliyi olsun”.
