Zaur Həşimov: “4 turdur qələbə qazana bilmirdik”
08.03.2020 , 19:42
“Zirə”nin baş məşqçisi Zaur Həşimov Premyer Liqanın 20-ci turunda “Səbail”ə 3:1 hesabı ilə qalib gəldikləri oyundan sonra mətbuat konfransında oyunla bağlı fikirlərini bildirib.
Korner.az xəbər verir ki, 38 yaşlı mütəxəssis qələbəni belə şərh edib:
“Son turlar “Səbail” inamlı çıxış edirdi. Biz isə 4 turdur qələbə qazana bilmirdik. Oyuna yaxşı başladıq, amma sonra təşəbbüsü əldən verdik. Fasilədən sonra yenidən oyunda əlaqələri qaydasına saldıq və qələbə qazana bildik. Şafik Tiqruca uzun müddət zədəli idi, sağaldı, amma yenidən xəsarət aldı. İndi tədricən sıraya dönür”.
