Yuventus” Kyesanı geri çağırır
06.01.2026 , 11:30
İtaliya klubu sabiq futbolçusu Federiko Kyesanı yenidən heyətinə qatmaq üçün addım atıb.
Korner.az xəbər verir ki, bu barədə insayder Fabrizio Romano məlumat yayıb.
Məlumata görə, rəsmi danışıqlar artıq başlanıb və Turin təmsilçisi yanvar ayında cinah hücumçusunu transfer etməyi planlaşdırır.
Kyesanın oyun performansı “Yuventus” rəhbərliyi tərəfindən yüksək qiymətləndirilir. Lakin transferin baş tutması həm “Liverpul”un, həm də futbolçunun qərarından asılıdır.
28 yaşlı futbolçunun İngiltərə klubu ilə müqaviləsi 2028-ci ilin yayına qədər qüvvədədir.
Qeyd edək ki, Kyesa “Liverpul”a keçməzdən əvvəl məhz “Yuventus”un şərəfini qoruyub.
