“Yuventus” gənc hücumçu transfer edir
24.10.2025 , 14:00
“Yuventus” Türkiyə millisinin 21 yaşlı üzvü Deniz Gülü qış transfer pəncərəsində icarəyə götürməyi planlaşdırır.
Korner.az xəbər verir ki, bu barədə “Tuttosport” məlumat yayıb.
Xəbərdə bildirilir ki, hücumçu özünü bu müddət ərzində yaxşı göstərərsə, “Qoca sinyora” uzunmüddətli müqavilə üçün lazım olan təzminatı ödəyərək onu daimi heyətinə qatmağı düşünür.
İsveçdə doğulan Deniz Gül “Hammarbü” klubunun yetirməsidir və 2024-cü ildən “Porto”da çıxış edir.
Onun Portuqaliya nəhəngi ilə müqaviləsi 2029-cu il iyunun 30-na qədər qüvvədədir.
