“Qəbələ”nin baş məşqçisi Yuri Syomin bildirib ki, onun Marat İzmaylovla heç bir problemi yoxdu.
Korner.az-ın məlumatına görə, Syomin bəzi kütləvi informasiya vasitələrinin məşqçinin İzmaylovu Topaz Premyer Liqasının son oyunlarında əsas heyətə daxil etməməyi ilə bağlı yazdığı məlumata cavab verib:
“Bu, yalan məlumatdı. Başa düşmürəm ki, bu, haradan qaynaqlanır. Ona ümumiyyətlə heç bir sualımız, iradımız yoxdu. Eləcə də onun bizə. Onun bizə nə sualı ola bilər axı? Oynayır, oyun praktikası var. İzmaylov çox alicənab insandı. O, heç vaxt mətbuatda öz hiddətini bildirməz. Əgər hər hansı olaylar yaransa belə, o, bunları komanda daxilində həll edər. Belə cəfəngiyatı şərh etmək istəmirəm”.
Xatırladaq ki, İzmaylov “Qəbələ”yə yanvarda keçib və burada 5 oyun keçirib.
