“Maltepespor”la oyunda iki fərqli hissə izlədik. İlk yarıda tam üstünlük bizdə idi. İkinci hissədə əsasən gənclərdən ibarət heyətə üstünlük verdik”.
Korner.az-ın məlumatına görə, bu sözləri Antalyada “Maltepespor”la (1:1) yoxlama oyunu keçirən “Qəbələ”nin baş məşqçisi Yuri Syomin deyib.
Rusiyalı mütəxəssis nəticənin önəmli olmadığını bildirib: “Təbii ki, belə oyunlarda hesab önəmli deyil. Önəmli olsaydı, heyəti dəyişməzdik”.
Syomin yeni transfer və baxışda olan futbolçu barədə fikir bildirib: “Heyətimizə yeni qatdığımız Rafael Santos və düşərgəmizdə baxışda olan tacikistanlı Davron Erqaşev qarşılaşmada müsbət təsir bağışladılar”.
“Qəbələ”nin baş məşqçisi təlim-məşq toplanışının gedişindən razı qalıb: “Hazırlığımız istədiyimiz kimi, plana uyğun olaraq davam edir. Yaxşı şəraitimiz, meydançalarımız var. Futbolçuların çalışqanlığından razıyam. Hələ qarşıda daha 6 sınaq oyunumuz var. Çox oyun keçirməkdə məqsədimiz bütün oyunçulara yetərincə oynamaq şansı verməkdir”.
