Topaz Premyer Liqasında XXV turun “Keşlə” – “Neftçi” (2:1) oyunundan sonra keçirilən mətbuat konfransında meydan sahiblərinin baş məşqçisi Yuri Maklsimov jurnalistlərin suallarını cavablandırdı.
O, əvvəlcə görüş barədə fikirlərini bildirdi…
– Uşaqlara təşəkkür edirəm. Vaqif Cavadovun oğlu dünyaya gəlib. Komanda bu qələbə ilə onu təbrik etdi. Onlara deyirəm ki, siz öz adınız, ailəniz üçün oynayırsız. Çünki formanın arxasında adınız var. Qələbə “Neftçi”yə daha çox lazım idi, bizə heç nə vermədi. Amma meydana çıxıb oynamaq lazımdı.
– Kamran Ağayevin əvəzlənməsi nə ilə bağlı idi?
– Ayağı burxulmuşdu. Buna görə də əvəz edilməsini xahiş etdi.
– Amma ehtiyat oyunçular skamyasına qayıtmadı. İlk hissənin sonlarında Slavik Alxasova ağır söyüşlər səsləndirirdi…
– Fasilədən sonra güman ki, həkim otağına getdi. Onların mübahisəsinə gəlincə, bu öz aralarında olan şeydi.
– Növbəti turda kubokun finalındakı rəqiiniz “Qəbələ” ilə qarşılaşacaqsız. “Sumqayıt”la çempionat oyununda olduğu kimi, gücünüzü gizlətməyi və finalda sürpriz hazırlamağı düşünmürsüz ki?
– Sürpriz edə bilməyəcəyik. Çünki ehtiyat skamyamız kasaddı, buna gücümüz yoxdu. Bir neçə oyunçumuz zədəlidi. Çempionat oyunları bizə heç nə vermir. Sadəcə futbolçulara deyirəm ki, meydana çıxıb adınız üçün oynayın.
