.jpeg)
Sabah Avroliqanın ilk mərhələsində Estoniyanın “Nomme Kalyu” klubu ilə qarşılaşacaq “Xəzər Lənkəran”ın baş məşqçisi Yunis Hüseynov bu gün oyunöncəsi mətbuat konfransı keçirib. Korner.az-ın məlumatına görə, çalışdırıcı sabahkı oyunla bağlı iddialı danışdı.
– “Xəzər Lənkəran” “Nomme Kalyu” ilə oyuna hazırdırmı?
– Avstriya keçirdiyimiz təlim-məşq toplanışından narazı qalmadım. İnanıram ki, sabahkı oyunda istədiyimiz nəticəni əldə edəcəyik.
– Amma komandada hücumçu problemi var.
– Yeni hücumçu transfer etməyi mən də çox istəyirəm. Avstriyada olan zaman düşərgəyə baxışa hücumçular gəlmişdi. Amma onların səviyyəsi məni qane etmədi. Maraqlandığımız bəzi hücumçular isə digər komandaya transfer olundu. Ona görə də, heyətə hücumçu qatmaq mümkün olmadı. Amma bu sitiqamətdə işlər gedir,
– Sabah hücum, yoxsa müdafiə futbolu oynayacaqsınız?
– Əlbəttə hücum futbolu. Lazım olsa, müdafiəçiləri də hücumda oynadacağam.
– Heyətə yerli hücumçu cəlb etməyə çalışdınız?
– Mən gələndə də məqsədim yerli futbolçu transfer etmək idi. Amma razılığa gələ bilmədiyimiz üçün alınmadı. Sabahkı oyunda məqsədimiz tarix yazmaqdır. Çünki bildiyiniz kimi “Xəzər Lənkəran” hələ avrokuboklarda qələbə qazanmayıb.
– Sabah meydana buraxacağınız start heyətini artıq müəyyənləşdirmisiniz?
– Bəli, müəyyənləşdimirşəm. Amma heyəti indi yox, sabah açıqlayacam.
– “Nomme Kalyu”nu tam təhlil edə bilmisiz?
– Onların 2 oyununa baxmışam. Normal komandadır. Əks hücumlara meyl edirlər. Məşqlərinə də baxdım. Hər bir komanda kimi onların da zəif cəhətləri var.
– Hansılardır?
– Bunu sabah deyərəm.
– Mərhələ keçmək üçün nə lazlmdır?
– Vuruşmaq.
– “Nomme Kalyu”nu keçə bilməsəniz, nə olacaq?
– Keçəcəyik!.
– Sabahkı oyunda hansı nəticə sizi qane dəcək?
– 3:0 və ya 4:0 hesabı ilə qalib gəlmək.
