Yunanıstan Futbol Federasiyası Bosniya və Herseqovina xalqından üzr istəyib.
Korner.az-ın məlumatına görə, bu barədə “Eurosport” xəbər verib.
Səbəb DÇ-2018-in seçmə qrup mərhələsinın IV turu çərçivəsində keçirilmiş Yunanıstan – Bosniya və Herseqovina matçında baş verən hadisələrdi.
1:1 hesabı ilə başa çatan oyunda yerli azarkeşlər Bosniya və Herseqovina xalqına nifrətini göstərən pankartlar açıblar. Pankartda 1995-ci ildə baş vermiş Srebrenitsa qətliamı ilə bağlı serblərin bosniyalılara nifrətini göstərən “Noz, zica, Srebrenica” (Bıçaq, tel, Srebrenitsa) sözləri yazılıb
Bununla əlaqədar federasiya bu cür pankartların açılmasının doğru olmadığını bildirib və qarşı tərəfdən üzr istəyib.
