Futbol üzrə Almaniya millisinin baş məşqçisi Yoahim Löv ölkəsinin mətbuatına maraqlı açıqlamalar verib.
Korner.az-ın məlumatına görə, təcrübəli mütəxəssis həm İngiltərəyə, həm də Azərbaycana qarşı keçirəcəkləri oyunlar haqda danışıb:
“Seçmə mərhələdə son matçımızı 4 ay əvvəl keçirmişik. İngiltərə ilə oyunöncəsi isə hazırlıq keçmək üçün çox vaxtımız olmadı. Buna baxmayaraq, arzularımızı həyata keçirmək üçün hər cür çətinliklərin öhdəsindən gəlməyə hazır olmalıyıq. Bunun ardından Azərbaycanla önəmli oyunumuz olacaq. Hər matçda olduğu kimi, yenə keyfiyyətli oyun sərgiləməyə çalışacağıq və amansız olacağıq”.
Xatırladaq ki, Almaniya millisi bu gün yoldaşlıq görüşü çərçivəsində İngiltərə ilə, 4 sonra isə DÇ-2018-in seçmə mərhələsi çərçivəsində yığmamızla qarşılaşacaq.
