Ötən gün Etiler Ulus Adnan Saygun prospektindəki Platin yaşayış kompleksində yaşayan, TFF-nın prezidenti Yıldırım Dəmirörənin qaynanası Tülay Ulusoyun evi qarət olunub.
Korner.az– ın məlumatına görə, Tülay Ulusoy ötən həftə vəfat etmiş qohumlarının yasına getmək üçün qızı Emra və kürəkəni İbrahim Çarmıklı ilə birgə evdən çıxıb. Axşam saatlarında Emra və İbrahim evə qayıdarkən, qapının açıq olduğunu görüblər. Onlar Tülayı da telefonla məlumatlandırıblar. Xanım Ulusoy evə gəldikdə oğurluq olduğunu müəyyənləşdirib. O, qızıl-zinət əşyalarının olduğu kassanı yoxlamaq istəyib. Lakin kassanın yerində olmadığını görüb. Hadisə yerinə polis çağırılıb. Araşdırmalara başlanılıb.
Tülay Ulusoy polisə ifadəsində evindən 100 min TL dəyərində 2 “Cartier” markalı saat, dəyərli zinət əşyaları və brilyantlar, 100 min TL pul oğurlandığını söyləyib. Videokamera görüntülərinə əsasən, evə ağ avtomobil saat 14:30-da gəlib və 45 dəqiqə sonra gedib.
