Yığmanın rəqibləri bilindi
31.05.2022 , 16:40
19 yaşadək qadın futbolçulardan ibarət Azərbaycan milli komandasının final mərhələsi 2023-cü ildə Belçikada təşkil olunacaq Avropa çempionatının ilkin seçmə mərhələsində mübarizə aparacağı rəqibləri müəyyənləşib.
Korner.az xəbər verir ki, Millətlər Liqası formatında təşkil olunacaq seçmə mərhələ oyunlarında millimiz 1-ci qrupda Xorvatiya, Monteneqro və Kipr yığmaları ilə mübarizə aparacaq. Bu qrupun oyunları Xorvatiyada təşkil olunacaq.
İlkin mərhələdə A liqasının qrup qalibləri növbəti mərhələyə vəsiqə qazanacaq. Sonuncu yeri tutan komandalar isə B liqasına düşəcək.
Milli komandamız B liqasında qərarlaşıb.