Yığmamız “Sumqayıt”la bərabərə qaldı
28.07.2018 , 12:11
17 yaşadək futbolçulardan ibarət Azərbaycan yığma komandası bu gün yoxlama oyunu keçirib.
“Sumqayıt”ın əvəzedici komandası ilə qarşılaşan yığmamız 2:2 hesablı heç-heçə edib.
U-17-nin qollarını Musa Qurbanlı və Emil Quluzadə vurub.
Oyundan sonra millimizin baş məşqçisi Ramin Quliyev açıqlama verib: “Belarus səfərindən əvvəl bizim üçün yaxşı rəqib oldu. Bu oyunda komandanın güclü və zəif tərəflərini görə bildik. Rəqibin 3-4 yaş böyük futbolçulardan ibarət olmasına baxmayaraq, komanda istəkli idi, əzmkar mübarizə apardı. Bu bizim üçün vacib amillərdən biri idi”.
