Portuqaliya, Uruqvay və İspaniya qalib gəldi
20.06.2018 , 17:49
Rusiyada keçirilən DÇ-2018 davam edir. Bu gün daha 3 qarşılaşma oynanılacaq.
Günün ilk matçında B qrupunda Portuqaliya ilə Mərakeş üz-üzə gələcək. Mundiala qonşusu İspaniya ilə oyunla start verən pirineylilər Ronaldonun het-triki ilə matçdan bərabərliklə ayrılıb. Mərakeş isə İran qarşısında son dəqiqədə avtoqola üzülüb. Qrupdan çıxmaq istəyən Portuqaliya işini son matça buraxmamaq üçün bu qarşılaşmadan mütləq qələbə ilə ayrılmadlıdır.
Qrupun ikinci oyunu günün son matçı olacaq. İspaniya İranla qarşılaşacaq. Mundialdakı ilk görüşündən sadəcə 2 gün öncə baş məşqçi dəyişikliyi edən “matadorlar” ən çətin rəqibindən 1 xal almağı bacarıb. İranla matçdakı mümkün qələbə onlar üçün 1/8 finalın qapısını aralayacaq. İran millisi isə son dəqiqədə 3 xal aldığı Mərakeşdən sonra sürpriz axtarışındadı. Bir xal belə növbəti tur ümidlərinin davamı üçün önəmlidir.
Bu gün A qrupunda da bir oyun keçiriləcək. Uruqvay ilə Səudiyyə Ərəbistanı üz-üzə gələcəklər. Cənubi amerikalılar ilk matçda Rusiyadan 5 cavabsız qol buraxan ərəblər qarşısında aşkar favortidi. Qələbə həm Uruqvayı, həm də rusları 1/8 finala çıxardacaq.
DÇ-2018
Qrup mərhələsi
II tur
20 iyun
B qrupu
16:00. Portuqaliya – Mərakeş 1:0
Baş hakim: Mark Giger (ABŞ)
Moskva. “Lujniki stadionu”
22:00. İran – İspaniya 0:1
Baş hakim: Andres Kunya (Uruqvay)
Kazan. “Kazan Arena”
Turnir cədvəli
A qrupu
19:00. Uruqvay – Səudiyyə Ərəbistanı 1:0
Baş hakim: Kleman Turpen (Fransa)
Rostov. “Rostov Arena”
