Premyer Liqa

“Qarabağ” ölkə çempionu oldu

05.05.2019 , 21:12

Bu gün Topaz Premyer Liqasında 27-ci turun oyunları baş tutacaq.

Çempionun adına aydınlıq gələ biləcək turun bütün görüşləri bu gün keçiriləcək.

İlk olaraq “Keşlə” “Zirə”ni qəbul edəcək.  Meydan sahiblərinin sonuncu pillədən qurtula bilmək üçün mübarizə aparacaq. “Zirə” isə turnir cədvəlində olan vəziyyətini yaxşılaşdırmaq üçün qələbə qazanmalıdır.

“Qarabağ” doğma meydanda “Səbail”i qonaq edəcək. Ağdam təmsilçisi qələbə qazana bilsə, çempionluğunu rəsmiləşdirmiş olacaq.  “Səbail” isə üç xal qazansa, üçüncü yeri təmin edəcək və avrokuboklara vəsiqəni təmin etmiş olacaq.

“Neftçi” səfərdə “Qəbələ”nin qonağı olacaq. Çempionluq taleyinin öz əlində olmamasına rəğmən flaqman “Qarabağ” – “Səbail” görüşünün hesabından asılı olmayaraq qələbə qazanmağa çalışacaq.

Turun son oyununda “Sumqayıt” “Sabah”ı qəbul edəcək. 7-ci pillədə olan gənclik şəhərinin klubu sonuncu pillə arasındakı xal fərqini artırmaq üçün qələbəyə köklənəcək. “Sabah” isə son iki turda 5-ci pilləni əldən verməmək üçün meydana çıxacaq.

Topaz Premyer Liqası, 27-ci tur

5 may (bazar)

“Keşlə” – “Zirə” 1:3

Qollar: 26′ Xulio Rodriqez (0:1), 45′ Conatan Ayite (pen) (1:1), 47′ Xulio Rodriqez (1:2), 52′ M. Kqasvane (1:3)

Hakimlər: İnqilab Məmmədov, Rahil Ramazanov, Əli Cəbrayılov, Kamal Umudlu
“ASK Arena”

“Qəbələ” – “Neftçi” (ikinci hissə) 1:2

Qol: 26′ Mamadu Mbodj (0:1), 72′ Baqali Dabo (0:2), 85′ Rauf Əliyev (1:2)

Hakimlər: Səbuhi Bayramov, Yaşar Abbasov, Eyyub İbrahimov, Xəlil Xəlilov
Qəbələ şəhər stadionu

“Qarabağ” – “Səbail” (ikinci hissə) 4:0

Qol: 22′ Miçel Madera (1:0), 40′ Mahir Mədətov (2:0), 69′ Mahir Mədətov (3:0), 87′ Mahir Mədətov (4:0)

Hakimlər: Rövşən Rəcəbov, Knyaz Əmiraslanov, Nahid Əliyev, Rəşad Əhmədov
Tofiq Bəhramov adına Respublika Stadionu

“Sumqayıt” – “Sabah” 1:0

Qol: 50′ Əmir Ağayev (1:0)

Hakimlər: Vüqar Həsənli, Cəmil Quliyev, Elşad Abdullayev, Elçin Məsiyev
“Kapital Bank Arena”

Son yazılar

Yuxarı