Bu gün Çempionlar Liqasında IV tura start veriləcək. İkinci dövrənin startı bəzi komandalar üçün həlledici ola bilər.
Belə ki, iki gün davam edəcək turun bir neçə komandanın 1/8 finalda yerini təmin etməsi, bir neçəsinin isə şanslarını itirməsi ilə nəticələnməsi mümkündü.
A qrupunda “Mançester Yunayted” və “Bazel” minimum vəzifənin öhdəsindən gələ bilər. Hər iki komanda 1/8 finala vəsiqəni qazanmaq üçün həm özü uğur qazanmalı, həm də liderlik uğrundakı rəqibinin xal əldə etməsini arzulamalıdı. B və D qruplarında da eyni vəziyyət hökm sürür. PSJ və “Bavariya” bir, “Barselona” ilə “Yuventus” digər qrupdan 1/8 finala yüksəlmək imkanına malikdi.
Azərbaycan çempionu “Qarabağ”ın çıxış etdiyi C qrupunda isə yalnız bir komanda buna nail ola bilər. Özü də “Çelsi”nin mərhələ keçməsi digər oyundan deyil, özündən asıldı. Qələbə londonluları 1/8 finala daşıyacaq. Bu isə o deməkdi ki, sabah 7 komandanın qrupdan çıxması rəsmiləşməsi mümkündü.
Çempionlar Liqası
Qrup mərhələsi, IV tur
31 oktyabr
A qrupu
23:45. “Mançester Yunayted” (İngiltərə) – “Benfika” (Portuqaliya)
23:45. “Bazel” (İsveçrə) – MOİK (Rusiya)
B qrupu
23:45. PSJ (Fransa) – “Anderlext” (Belçika)
23:45. “Seltik” (Şotlandiya) – “Bavariya” (Almaniya)
C qrupu
23:45. “Atletiko” (İspaniya) – “Qarabağ” (Azərbaycan)
23:45. “Roma” (İtaliya) – “Çelsi” (İngiltərə)
D qrupu
23:45. “Sportinq” (Portuqaliya) – “Yuventus” (İtaliya)
23:45. “Olimpiakos” (Yunanıstan) – “Barselona” (İspaniya)
