"Premyer Liqanın yeni mövsümünün yayım hüququ ilə bağlı məsələ hələ tam həll olunmayıb".
Bu sözləri "Korner.az"-a açıqlamasında Peşəkar Futbol Liqasının mətbuat katibi Aslan Şahgəldiyev deyib. Şahgəldiyev bildirib ki, teleyayımla bağlı tenderdə hələ ki yeganə iştirakçı "İdman Azərbaycan"dır və danışıqlar bu telekanalla aparılır.
Əldə etdiyimiz məlumatlara görə, danışıqlar PFL prezidenti Ramin Musayevin məzuniyyətdən qayıtdıqdan sonra yekunlaşacaq. Ramin bəyin işə nə zaman çıxacağı hələ ki bəlli deyil.
Qeyd edək ki, Musayev teleyayıma 500 min manat qiymət qoymuşdu. Ancaq indi danışıqlarda səsləndirilən rəqəm bundan qat-qat aşağıdı.