Bu gün AFFA İntizam Komitəsinin növbəti iclası keçirilib.
Korner.az-ın məlumatına görə, əvəzedici heyətlərin XVII turunun “Qəbələ” – “Simurq” matçının 78-ci dəqiqəsində “Simurq” klubunun 25 №-li futbolçusu Mehman Məmmədov kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur.
Əvəzedici heyətlərin XVII turunun “Rəvan” – “Sumqayıt” matçının 90+3-cü dəqiqəsində “Rəvan” klubunun 25 №-li futbolçusu Əli Əliyev hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 2000 manat cərimə olunur.
Əvəzedici heyətlərin XVII turunun AZAL – “Turan” matçının 52-ci dəqiqəsində AZAL klubunun 23 №-li futbolçusu Tərlan Xəlilov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 1000 manat cərimə olunur.
