Yayda “Fənərbağça”dan ayrılacağı gözlənilir
17.03.2025 , 13:55
“Fənərbağça”nın yarımmüdafiəçisi Sebastyan Şimanski yeni transfer iddiasi ilə gündəmə gəlib.
Korner.az xəbər verir ki, 25 yaşlı futbolçunun UEFA Avropa Liqasında “Reyncers”ə iki qol vurduqdan sonra talibləri artıb.
Bu barədə Türkiyə mətbuatı məlumat yayıb.
Xəbərdə, oyunçunun xidmətində İngiltərə və İtaliya klublarının maraqlı olduğu iddia olunur.
Adı çəkilməyən komandaların Şimanskinin transferi üçün yayda “Fənərbağça”ya müraciət edəcəkləri gözlənilir.
Bu mövsüm “Fənərbağça”nın heyətində 42 matça çıxan Şimanski 5 qol vurub, 9 məhsuldar ötürmə edib.
