“Hiss edirdim ki, “Barselona” ilə müqavilə imzalayacağam. Düzünü desəm, belə düşünürdüm: yaxşı oynasam “Arsenal”a keçərəm. Əla oynasam “Barselona” ilə müqavilə bağlayaram. Bu iki komanda ilə oyun stilim uyğun gəlir”
Korner.az-ın məlumatına görə, bu sözləri “Barselona”nın futbolçusu Arda Turan deyib.
Türkiyəli futbolçu yeni klubunda təəssüratlarını bölüşüb. Arda Messinin ünvanına xoş sözlər deyib:
“Messi ilə bağlı bir şey deyərdim – o inanılmazdı. O, hər şeydə hər kəsdən sürətlidi. Topa yiyələnəndə, driblinq zamanı və başabaş mübarizələrdə. Amma ən vacibi Messinin taktiki cəhətdən ağıllı futbolçu olmasıdı. O, inanılmaz oyunçudu və hamıdan seçilir.
“Barselona”ya ilk növbədə Çempionlar Liqasının qalibi olmaq üçün gəlmişəm. Həm də, mənə görə Leo futbol tarixinin ən yaxşısıdı. Onunla oynamaq arzularımdan biri idi. Lakin mən “Barsa”ya mükafatlar qazanmaq üçün gəlmişəm”.
