"İnter”in məşqçisi Zaur Svanadze klubun rəsmi saytına müsahibə verib. Korner.az-ın məlumatına görə, futbolçu kimi Tbilisinin “Dinamo” komandasının heyətində 1981-ci ildə Kuboklar Kubokunun sahibi olan çalışdırıcı karyerası və yeni klubuna keçidi haqda danışıb.
– Futbolçu karyeranızı başa vurandan sonra hansı vəzifələrdə çalışısınız?
– SSRİ-nin son çempionatının başa çatmasından sonra İsvecrəyə yollandım və orada futbolçu karyeramı davam etdirdim. 1991-ci ildə oynayan məşqçi vəsifəsini təklif etdilər və mən də razılaşdım. Sonra həmin komandada məşqçi kimi çalışmalıydım. Lakin komanda maliyyə çətinliklərilə üzləşdi və mən də fəaliyyətimi dayandırmalı oldum. 1995-ci ildə İsveçin “Malbaryent” komandasına rəhbərlik etdim və orada demək olar 5 il çalışdım. 2000-ci ildə Gürcüstana qayıtdım və Tbilisinin “Lokomotiv” komandasında çalışmağa başladım. Yeri gəlmişkən, Kaxaber Sxadadze ilə birlikdə həmin komandada işləyirdik. Sonra biz birlikdə paytaxtın “Dinamo” komandasını çalışdırmışdıq. Bundan sonra, mən yenidən İsveçə qayıtdım və orada 3 il fəaliyyət göstərdim. Sonra məni Gürcüstan U-19 komandasına dəvət etdilər və mənim son iş yerim Gürcüstanın U-21 komandası oldu və orada baş məşqçinin köməkçisi vəsifəsində çalışırdım. Əlavə edim ki, bir müddət Tbilisinin “Dinamo” komandasının akademiyasının rəhbəri və “Lokomotiv” komandasının baş məşqçisi olmuşam.
– “İnter”ə keçidiniz necə baş tutdu?
– Öncə dediyim kimi, uzun müddət Kaxaber Sxadadze ilə birlikdə çalışmışıq. Mənə “İnter”də bu vəzifəni tutmaq təklifini verəndə razılaşdım.
– Xatırlayırıq ki, bu vəzifəni hələ 2009-cu ildə tutmalı ifiniz. Lakin müəyyən səbəblərə görə Bakıya səfəriniz baş tutmamışdı…
– Bəli, hələ 2009-cu ildə “İnter”ə keçməyə yaxın idim, o zaman bütün detalları danışmışdıq, ancaq son anda məni milli komandadan buraxmadılar. Məhz buna görə o vaxt “İnter”ə qoşula bilmədim.
– “İnter”ə Türkiyə toplanışında qoşuldunuz və komanda ilə bir necə gün keçirdiniz. Bilmək istərdik, “İnter” necə təsir bağışladı? Kollektivlə tanışlıq necə keçdi?
– Baxmayaraq ki, Türkiyədə bir neçə gün keçirdim, komandada çox yaxşı işçi atmosferinin hökm sürdüyünü müşahidə etməyə macal tapdım. “İnter” mənə yaxşı təsir bağışladı. Yaxşı haldır ki, uşaqlar çalışmağa köklüdürlər. Biz komandanın avrokuboklarda və Azərbaycan Çempionatında yaxşı çıxış etməsi üçün əlimizdən gələni edəcəyik.
