“Yaşadığım hissləri sözlə ifadə edə bilmirəm” – Rəşad Sadıqov
10.11.2020 , 18:34
“Bütün Azərbaycan xalqını, dövlətimizi, ordumuzu ürəkdən təbrik edirəm. Yaşadığım hissləri sözlə ifadə edə bilmirəm”.
Korner.az xəbər verir ki, bu sözləri “Zirə”nin baş məşqçisi Rəşad Sadıqov klubun rəsmi saytına açıqlamasında Qarabağ müharibəsinin Azərbaycanın qələbəsi ilə bitməsi barədə danışarkən deyib.
O, başda Ali Baş Komandan İlham Əliyev olmaqla, Ordumuzu təbrik edib: “Uzun illər idi, işğal altında olan torpaqlarımızın azad olması arzusu ilə yaşayırdıq. Allaha şükür, bu günləri yaşayırıq. Başda Ali Baş Komandan İlham Əliyev olmaqla, Ordumuzu ürəkdən təbrik edirəm. Bu günləri bizə yaşatdığına görə onlara təşəkkür edirəm. Onlarla fəxr edirik. Şəhidlərimizə Allahdan rəhmət, ailələrinə səbr diləyirəm. Yaralılarımıza Allah şəfa versin. Bir daha bütün Azərbaycan xalqını bu zəfər münasibətilə ürəkdən təbrik edirəm. İşğaldan azad olunmuş torpaqlarımıza ayaq basmağımızı, orada zaman keçirməyimizi səbirsizliklə gözləyirəm”.
