Xulian Alvaresdən PSV qarşısında möhtəşəm performans
10.12.2025 , 10:29
“Atletiko”nun çalışdırıcısı Dieqo Simeone Çempionlar Liqasının PSV-lə oyunundan (3:2) sonra Xulian Alvares haqqında öz fikirlərini bölüşüb.
Korner.az xəbər verir ki, Simeone argentinalı hücumçunun matçdakı rolunu xüsusi vurğulayıb:
“Bu gün Alvares hamının gözlədiyi kimi yenidən oyuna təsir göstərdi. Həddindən artıq çalışdı, meydanda dayanmadan hərəkət etdi və fərdi ustalığını ortaya qoydu. Verdiyi ötürmə isə həqiqətən möhtəşəm idi”.
Qeyd edək ki, 37-ci dəqiqədə Alvares hesabı bərabərləşdirib. Matçın ikinci hissəsində daha iki dəfə qol vuran Madrid təmsilçisi qarşılaşmadan 3 xalla ayrılıb. Futbolçu bu mövsüm 21 qarşılaşmada 11 qol və 4 məhsuldar ötürmə ilə yadda qalıb.
