Xuan Qarsi zədədən sonra “Barselona”ya dönür
17.11.2025 , 14:00
“Barselona”nın qapıçısı Xuan Qarsi zədədən sonra komandasına qayıdır.
Korner.az xəbər verir ki, 24 yaşlı qolkiper növbəti La Liqa turunda – “Atletik”lə ev oyununda meydana çıxacaq.
İspaniya millisinin üzvü sentyabrın sonundan bəri zədəsi səbəbindən forma geyinməyib. Cari mövsümdə o, bütün turnirlərdə 7 oyunda iştirak edib, 5 qol buraxıb və 3 matçda qapısını toxunulmaz saxlayıb.
“Barselona” noyabrın 22-də La Liqanın 13-cü turu çərçivəsində “Atletik”i qəbul edəcək.
