Qətərin “Əl-Sədd” klubunda oynayan Xavi hesab edir ki, “Mançester Siti”nin vacib oyunçusu Kevin de Breynedir. Bu haqda o, “goal.com” nəşrinə danışarkən deyib.
Onun sözlərinə görə Quardioanın hər komandasında xüsusi oyunçu olmalıdır:
“Quardiolanın komandaları həmişə komanda oyunu ilə qalib gəlirlər, ancaq mütləq bir nəfər xüsusi oyunçu olmalıdır. “Barselona”da bu Messi idi, “Mançester Siti”də isə Kevin de Breynedir. Top hər dəfə onda olanda, elə hiss yaranır ki, nəsə təhlükəli bir şey edəcək. Həmişə matçları 3:0, 4:0 hesabı ilə udmaq olmur. Belə anlarda, Quardiolanın xüsusi oyunçuları səhnəyə girir”
