Xavi: “Lamin Yamal bir gün “Qızıl top”u qazanacaq”
05.10.2025 , 12:05
“Barselona”nın keçmiş baş məşqçisi Xavi Hernandes “Qızıl top” mükafatı barədə danışıb.
Korner.az xəbər verir ki, ispan mütəxəssis, katalon klubunun gənc ulduzu Lamin Yamalın gələcəkdə bu mükafatı qazanacağına inandığını deyib:
“Yamal bu il ‘Qızıl top’a layiq idimi? Bu, əsasən komandanın qazandığı titullardan asılı olur. Məncə, Lamin də, eləcə də Vitinya, Salah, Pedri və Rafinya kimi futbolçular bu mükafata layiq görülə bilərdi. Amma nəticədə komanda uğurları həlledici olur. Mən əminəm ki, Lamin gələcəkdə ‘Qızıl top’u alacaq – bu, onun komandası Çempionlar Liqasını və ya dünya çempionatını qazandığı zaman baş verəcək.”
Xatırladaq ki, mükafatın builki qalibi PSJ-nin oyunçusu Osman Dembele olub. Onun yüksəlişi Xavinin rəhbərliyi altında “Barselona”da başlamışdı.
Səsvermədə ikinci yeri tutan 18 yaşlı Lamin Yamal da böyük futbola məhz Xavinin dönəmində addım atıb.
2024-cü ildə “Barselona”dan ayrılan Xavi hazırda heç bir klubda çalışmır.
