Orxan Məmmədov ad-soyadlı bir hakim var. Çox paxıl, bir o qədər də hörmətsiz adammış. Bunu Premyer Liqamızın siftə turunda – “Sumqayıt”-AZAL oyununda gördük.
Bəzi klublarımızın maliyyə sarıdan korluğu o dərəcədədi ki, bir işıqlı əvəzetmə tablosu nədi, onu ala bilmirlər. Yenə də yoxa lənət, yaxşı ki, maqnitlilərindən tapırlar. Amma bu maqnitli mərət elədi ki, türkün məsəli, havaya qaldıranda geridəkilər ordakı rəqəmləri görə bilmirlər. Elə bu səbəbdəndi ki, qayda var, gərək tablonu qaldıran hakim 4 bir tərəfə çevrilsin. Ki, bütün tribunalardan o rəqəmlər görünsün. Amma bu zalımın balası Məmmədov oyunda edilən dəyişikliklə vaxtı üzünü bir istiqamətə – qazona tərəf çevrildi ki, belə də onun göstərdiyini ağaclar, ot-ələf gördü. Çün o istiqamətdə tribuna-zad yoxdu. “Mehdi Hüseynzadə”də olanlar yaxşı bilir ki, o stadionun bir yarısında tribuna var…
Deyirəm, azarkeşlər və media əhli bir tərəfə, VİP-də oturan qaraeynək Elxan Məmmədov, hakimbaşı Xaqani bəy Məmmədov kimi "ağır çəkili adamlar"a eyib oldu… Eyib olsun…
P.S. Ağası gülüm olanın…
