“Eurovizion-2012” Azərbaycanda gözlənilən bayram idi. Şəhərin bütün fikri bu yarışmaya yönəlib”.
Korner.az-ın məlumatına görə, bu sözləri Vayda-Qriksayte Çesnauskis deyib.
“Bakı” klubunun futbolçusu Deyvidas Çesnauskisin həyat yoldaşı vətəni Litvada Azərbaycan təəssüratları ilə bağlı müsahibə verib. 2002-ci ildə “Litva gözəli” müsabiqəsinin qalibi olan xanım futboldan deyil, hazırda Bakıda keçirilən “Eurovizion-2012” musiqi yarışmasından danışıb: “Yarışmaya hazırlıq mənim də xoşuma gəldi. Bu hazırlıqlar yalnız ötən il, yarışa təşkilatçılıq hüququ qazanılandan sonra başladı. Biz də həmin vaxtdan 1 ay sonra Bakıya köçdük. “Bakı” klubuna keçən Deyvidas məni və uşaqları da ora apardı. Bu hazırlıqlar çox şən əhval-ruhiyyədə keçirdi. Hər şey o qədər sürətlə başa çatdı ki. Adama elə gəlir ki, bir günə ev də tikib hazır etmək olar”.