Xabi Alonso “Real”da qalacaq?
11.12.2025 , 17:15
“Real”ın baş məşqçisi Xabi Alonsonun istefaya göndərilməsi gündəmdə deyil.
Korner.az xarici KİV-ə istinadən xəbər verir ki, klub rəhbərliyi komandanın son nəticələrinə baxmayaraq, ispan çalışdırıcıya etimad göstərməkdə davam edir.
Son vaxtlar Alonsonun mümkün gedişi ilə bağlı iddialar yayılmışdı. Madrid təmsilçisi Çempionlar Liqasının 6-cı turunda “Mançester Siti”yə 1:2 hesabı ilə məğlub olduqdan sonra bu söz-söhbətlər daha da güclənmişdi.
Xabi Alonso bu ilin yayında “Real”da baş məşqçi postuna gətirilib. O, bundan əvvəl “Bayer”i çalışdıraraq Leverkuzeni Bundesliqanın qalibi etmişdi.
La Liqada 16 tur geridə qaldıqdan sonra “Real” turnir cədvəlində 2-ci yerdə qərarlaşır və lider “Barselona”dan 4 xal geri qalır.
