Xabi Alonso: “Mövzu mən deyiləm”
11.12.2025 , 11:53
“Real”ın çalışdırıcısı Xabi Alonso Çempionlar Liqasının Liqa mərhələsinin 6-cı turunda “Mançester Siti”yə 1:2 hesabıyla yenildikdən sonra onun gələcəyi ilə bağlı yayılan xəbərlər haqqında danışıb.
Korner.az xəbər verir ki, Alonso mətbuat konfransında Madrid klubundakı durumunun təhlükədə olub-olmadığı sualına belə cavab verib:
“Fikrim yalnız qarşıdakı oyundadır. Əsas məsələ ‘Real Madrid’dir. Komanda, futbolçular və onlara necə faydalı ola biləcəyim… Mövzunun mərkəzində mən dayanmalı deyiləm”.
Qeyd edək ki, matçdan əvvəl ispan mütəxəssisin mümkün məğlubiyyət halında istefaya göndərilə biləcəyi iddia olunurdu. Bu görüş “Real”ın cari mövsümdə Çempionlar Liqasında evdə qazandığı ilk məğlubiyyət kimi qeydə alınıb.
Xatırladaq ki, hazırda Madrid klubu 12 xalla turnir cədvəlində 7-ci yerdə qərarlaşıb.
