"Bura "Xəzər Lənkəran"ı çempion etməyə gəlmişəm"
"Mənsimovların mənə etimad göstərdiklərinə görə, təşəkkür edirəm. Mən Lənkəranda olmuşam uzun müddət. Hətta burada oyun da, izləmişəm. Qəbələdə məşqçilik kursları var idi. Orda işlədiyim vaxt idi".
Korner.az-ın xəbərinə görə, bu sözləri "Xəzər Lənkəran" klubunun yeni baş. məşqçisi Karles Martorell Bakes deyib.
"Xəzər Lənkəran" klubunun yeni 39 yaşlı ispan çalışdırıcısı bu gün davam edən təqdimetmə mərasimində komanda da, köklü dəyişikliklər etməyi düşünmədiyini bildirib:
"Komanda da, köklü dəyişikliklər etməyi fikirləşmirəm. Ancaq bir-iki transfer ola bilər. Bura "Xəzər Lənkəran"ı çempion etməyə gəlmişəm. Mən "Barselona"dan gəlmişəm. Oranın ənənəsi hamıya bəllidir. O, camiədan çıxmaq çox şeydən xəbər verir.
"Xəzər Lənkəran"ın oyunlarını izləmişəm və özüm üçün qətiləşdirmişəm ki, bu komandanı çempion etmək olar. Azarkeşlərin istəyini və tələbini bilirəm. Qoy onlar stadionlaara gəlsinlər və arzuladıqları komandanı görsünlər.
Komandamın topa çox sahib olması və meydanda rahat olması mənim futbol fəlsəfəmdi. Mən çoxdan istərdim ki, böyük komandada işləyim. Buna görə təklifi çox fikirləşmədən qəbul etdim. Biz çalışırıq ki, gündən-günə komanda daha yaxşı təsir bağışlasın. Müddət deyə bilmərəm. Mümkün qədər qısa müddətdə istəyimizə çalışacağıq. Bunu oyundan-oyuna etmək fikrindəyik. Artıq bazar günü vacib oyunumuz var. Bundan başlayaraq, qələbə qazanmağa, “Xəzər Lənkəran”ın yaxşı oyun nümayiş etdirməyinə çalışacağıq".
