.jpeg)
Qarşıdan gələn UEFA Avropa Liqasının təsnifat mərhələsi və 17 yaşlı qızlar arasında 2012-ci il futbol üzrə dünya çempionatı ilə əlaqədar Lənkəran şəhər Mərkəzi Stadionunda təmir və yenidənqurma işlərinə start verilib.
Korner.az-ın klubun rəsmi saytına istinadən verdiyi məlumata görə, əsas məqsədi stadionun beynəlxalq standartlara tam uyğunlaşdırılması olan işlər eyni zamanda arenanın müxtəlif hissələrində aparılır.
Yenidənqurmanın əhatə etdiyi sahələrdən biri stadionun VİP sektorudur ki, burada oturacaqların sayının artırılması nəzərdə tutulur. Bundan əlavə mətbuat nümayəndələri üçün nəzərdə tutulan yerlər qarşı sektora keçirilir, həmçinin bu hissənin yanına dörd yeni şərhçi yeri də əlavə ediləcək.
Həmçinin stadionda yeni mətbuat konfransı otağı və dünya çempionatı oyunları üçün mətbuat mərkəzi istifadəyə veriləcək. Arenaya mətbuat nümayəndələri üçün əlavə girişlərin də təşkil olunması nəzərdə tutulub. Bunlarla yanaşı, futbol meydanının ətrafında olan səddlər də qəbul edilmiş normalara uyğunlaşdırılacaq.
