Premyer Liqanın final mərhələsinin son turunda “Qarabağ”ı qəbul edəcək “Xəzər Lənkəran” tarixində 24-cü dəfə bu rəqiblə üz-üzə gələcək. Korner.az klubun rəsmi saytına istinadən xəbər verir ki, indiyədək 21 dəfə Azərbaycan çempionatı, 2 dəfə ölkə kubokuna təsadüf edən qarşılaşmalarda ümumi balansı hələlik Ağdam təmsilçisinin xeyrinədir. Tarazlıq yaratmaq üçün ev matçına çıxacaq “Xəzər Lənkəran” top fərqində əldə etdiyi üstünlüyü qələbə sayında bərabərliklə mütənasib etməyə çalışacaq.
Komandaların çempionatdakı 21 oyununda komandamız 8, “Qarabağ” 9 dəfə sevinib. Daha 4 dəfə 1 xalla ayrılan rəqiblərin oyunlarında Lənkəran təmsilçisi 23. Ağdam klubu isə 20 qol sevinci yaşayıb. Yeganə kubok duelindəki 2 matçın hərəsində 1 komanda qalib gəlsə də səfər qolu sayəsində mərhələ adlayan məhz “Xəzər Lənkəran” olmuşdu. Bir sözlə, rəqibi 10, özü 9 dəfə qalib gələn “Xəzər Lənkəran” bərabərlik əldə etməyə çalışacaq.
“Xəzər Lənkəran”ın “Qarabağ”la bütün oyunları
2004/05 13.12.2004 çempionat səfərdə 1:3
2004/05 15.05.2005 çempionat evdə 3:0
2005/06 02.10.2005 çempionat səfərdə 1:2
2005/06 01.04.2006 çempionat evdə 2:0
2006/07 09.11.2006 çempionat evdə 2:0
2006/07 07.05.2007 çempionat səfərdə 4:1
2007/08 26.08.2007 çempionat evdə 2:0
2007/08 02.03.2008 çempionat səfərdə 0:2
2008/09 22.11.2008 çempionat evdə 1:3
2008/09 09.05.2009 çempionat səfərdə 0:1
2009/10 30.10.2009 çempionat səfərdə 0:1
2009/10 13.02.2010 çempionat evdə 0:0
2009/10 06.03.2010 kubok səfərdə 1:2
2009/10 17.03.2010 kubok evdə 1:0
2009/10 03.04.2010 çempionat evdə 2:1
2009/10 09.05.2010 çempionat səfərdə 1:2
2010/11 30.10.2010 çempionat səfərdə 1:0
2010/11 23.12.2010 çempionat evdə 1:2
2010/11 10.04.2011 çempionat səfərdə 0:0
2010/11 07.05.2011 çempionat evdə 1:1
2011/12 17.09.2011 çempionat səfərdə 1:0
2011/12 10.12.2011 çempionat evdə 0:0
2011/12 11.03.2012 çempionat səfərdə 0:1
