Dünən Lənkəran şəhərində Türkiyənin Azərbaycanda fəxri konsulluğunun açılışı olub. Korner.az-ın məlumatına görə, konsul vəzifəsinə tanınmış azərbaycanlı iş adamı Mübariz Mənsimovun qardaşı Mais Mənsimov təyin olunub.
Açılış mərasimində Qafqaz Müsəlmanları İdarəsinin sədri, şeyxülislam hacı Allahşükür Paşazadə, Azərbaycanın sənaye və energetika naziri Natiq Əliyev, azərbaycanlı iş adamı Mübariz Mənsimov, Türkiyənin Azərbaycandakı səfiri Hulusi Kılıç, Lənkəran icra başçısı Taleh Qaraşov, azərbaycanlı və türkiyəli millət vəkilləri, iş adamları iştirak ediblər.
Türkiyənin Lənkaran şəhərindəki fəxri konsulu Mais Mənsimov bildirib ki, fəxri konsul kimi iki qardaş ölkə arasındakı münasibətlərin daha da inkişafı, konsulluq xidmətlərinin operativ və keyfiyyətli verilməsi üçün əlindən gələni əsirgəməyəcək.
Konsulluq Azərbaycanın cənub bölgəsinin 7 rayonunu əhatə edəcək.