.jpg)
“Xəzər Lənkəran”ın prezidenti Mais Mənsimovun adından Lənkəranda komanda üçün şam yeməyi təşkil olunub.
Korner.az-ın klubun saytına istinadən yaydığı xəbərə görə, Mənsimov qış fasiləsindən sonra Lənkərana dönmüş komandanı salamlayaraq heyətə gələcək çıxışlarında müvəffəqiyyətlər arzulayıb. O, komandaya gələn yeni futbolçularla tanış olaraq onlara uğurlar diləyib.
Prezident yeni oyunçuların “Xəzər Lənkəran”ın qələbələrinə töhvə verəcəklərinə ümidvar olduğunu bildirərək onlara tezliklə öz çıxışları ilə klubun tarixinə adlarını yazdırmağı arzulayıb: "Siz oynayın, qələbələri sıralayın, bizi sevindirin, mən də sizi sevindirərəm".
Futbolçular da klub prezidentinə “Xəzər Lənkəran”ın uğur qazanması üçün əllərindən gələni edəcəklərini vəd ediblər.
Ziyafətdə komandanın fiziki hazırlıq üzrə məşqçi Erik Roketa royal arxasına keçərək bəzi klassik və müasir əsərləri ifa edib.
