"Lex"lə səfər oyununa yollanmaq üçün "Xəzər Lənkəran" komandasının futbolçuları, məşqçilər korpusu, jurnalistlər, texniki işçilər və bütövlükdə səfərə yollanmalı olan hər kəs bu gün səhər saatlarında Heydər Əliyev adına beynəlxalq hava limanına yollanmışdı.
Korner.az uçuş vaxtının çatmasına baxmayaraq, reysin gecikdiyi haqda məlumat vermişdi. Klubun mətbuat katibi Yalçın Əliyevlə az öncə əlaqə saxlayaraq vəziyyətin nə yerdə olduğu ilə maraqlandıq. Və məlum oldu ki, heyət üzvləri hava limanından geri qayıtmalı olublar. Y.Əliyevin sözlərinə görə, texniki problemlər ucbatından səfər sabah səhər saatlarında baş tutacaq.