"Nomme Kalyu" ilə oyundan sonra klub rəhbərliyi futbolçularla bir araya gələrək söhbət etdi. Komanda söz verdi ki, cavab qarşılaşmasında lazımi nəticəni qazanıb növbəti mərhələyə adlayacaq".
Bu sözləri Korner.az-a açıqlamasında "Xəzər Lənkəran" klubunun icraçı direktoru Höccət Hacıyev deyib.
Klub rəsmisi Estoniyada baş tutacaq cavab qarşılaşmasının canlı yayımlanması üçün əllərindən gələni etdiklərini bildirib:
"Cavab qarşılaşmasının canlı yayımlanması üçün danışıqlar gedir. Biz bu oyunun canlı yayımlanması üçün çalışırıq və inanırıq ki, bu baş tutacaq.".
Sonda H.Hacıyev cavab qarşılaşması öncəsi yeni transferlərin olmayacağını bildirib:
"Hazırkı heyət imkan verir ki, biz mərhələ keçək. Özünüz də şahidi oldunuz ki, "Xəzər Lənkəran" daha yaxşı oyun nümayiş etdirdi. İki dəfə top dirəkdən qayıtdı. Bu oyunu səfərdə də göstərsək, qalib gələ bilərik".
