"Bakı"nın futbolçusu Şəhriyar Əliyevin Korner.az saytına müsahibəsi
-İlk olaraq "Xəzər Lənkəran"la dünən keçirtdiyiniz oyunla bağlı fikirlərini öyrənərmək istərdik.
– Oyuna yaxşı hazırlaşmışdıq. Matçın çətin keçəcəyini bilirdik. Şükürlər olsun ki, qələbə qazandıq. Amma bir neçə top vura bilərdik. Şansızlıqdan alınmadı.
– Rəqibdən oyun, psixoloji durum və heyət baxımından üstün görsənirdiz. Eyni zamanda "Xəzər Lənkəran"ın baş
məşqçisi yenidir. Bu durum cavab oyununda sizin bir az daha şanslı olmağınızı göstərirmi?
– Yox, belə deməzdim. Səfərdə çox çətin oyun olacaq. 1-0 hesabı hər şeyin həll olunduğunu demir. Dünənki oyunu səfərdə davam etdirmək istəyirik.
– Fırtınalar meydanındakı matç "son döyüşə" bənzəyir. Qalib tərəf Avropa Liqasına vəsiqə qazanacaq. Səfərdəki oyunda hansı üslubda oynamaq fikriniz var?
– Necə oynayacağımıza baş məşqçimiz qərar verəcək. Əlbəttəki müdafiədə diqqətli olub, qol vurmağa calışacayıq
– Bir neçə gün sonra Premyer Liqada "Qarabağ"la qarşılaşacaqsınız. Bu oyunla bağlı düşüncələrin nədi?
– Meydana 3 xal üçün çıxacağıq. Başqa variantımız yoxdur. Çempionatda dördüncü yerə kimi yüksəlmək şansımız var.
– Aprelin 30-u isə "Atletiko" (Madrid) ilə yoldaşlıq oyununda üz-üzə gələcəksiz. Belə oyunlarda iştirak etmək Azərbaycanda hər oyunçuya qismət olmur.
– "Atletiko"ya qarşı oynamaq çox gözəl bir hissdir. Hisslərimi necə təsəvvür edəcəyimi bilmirəm. Amma "Atletiko" ilə oyuna kimi daha vacib olan çempionat və kubok oyunlarını düşünürəm.
Heybət Məmmədov
