Premyer Liqada yaranan qış fasiləsi bitmək üzrədir.
Korner.az-ın məlumatına görə, ölkə xaricində təlim-məşq toplantısı keçən digər klublar kimi “Xəzər Lənkəran” da yaxın günlərdə hazırlıqlarını yekunlaşdırıb vətənə dönəcək.
Qeyd edək ki, komanda Premyer Liqanın XIX turu çərçivəsində “Qarabağ” klubu ilə səfərdə qarşılaşacaq. Fevral ayının 1-də Tofiq Bəhramov adına Respublika stadionunda keçiriləcək görüş “İdman Azərbaycan” kanalı ilə canlı yayımlanacaq. Matç 17:00-da star götürəcək.