“Xəzər Lənkəran” Ağabala Ramazanovun qırmızı vərəqə almasını qəbul etmir.
Korner.az-ın məlumatına görə, Lənkəran klubu gənc hücumçunun cəzasının ləğvi üçün apellyasiya şikayəti verəcək. Klub bunun üçün İntizam Komitəsinin qərarını gözləyir.
Qeyd edək ki, Rəhim Həsənov Ağabala Ramazanovu “Böyük oyun”un son dəqiqəsində meydandan qovub. Manuel Skarlatakenin bərabərlik qolundan sonra iki komandanın futbolçuları arasında dava düşüb. Nəticədə referi Ramazanovla yanaşı, “Neftçi”dən Bruno Bertuççi və Karlos Kardozonu da meydandan qovub. Bundan əvvəl isə Tərlan Quliyev “qırmızı” almışdı.