“Xəzər Lənkəran”ın UEFA Avropa Liqasının I təsnifat mərhələsi çərçivəsində Malta təmsilçisi “Slima” ilə görüş üçün gedəcəyi ölkədə məskunlaşacağı otel müəyyənləşib.
Korner.az-ın klubun saytına istinadən xəbərinə görə, “ağ-yaşıllar” Maltanın ən səviyyəli otellərindən biri sayılan 5 ulduzlu “The Palace Malta” otelində qalacaq.
Adıçəkilən otel əsrarəngiz təbii gözəl mənzərələrlə əhatə olunub.
Xatırladaq ki, “Xəzər Lənkəran” iyun ayının 29-da gecə saatlarında Almaniyanın Bad Gogginq qəsəbəsini tərk edib ilk oyun üçün Maltaya yola düşəcək.
