Türkiyənin Antalya şəhərində təlim-məşq toplanışında olan “Xəzər Lənkəran” hazırlığını davam etdirir.
Korner.az-ın məlumatına görə, “Metallurq”la yoxlama görüşündən sonra 1 gün istirahət edən “ağ-yaşıllar” bu gün məşqlərini bərpa edib.
Günün ilk məşqini dəniz kənarında reallaşdıran baş məşqçi Elbrus Məmmədovun komandası günün ikinci hazırlığını meydançada təşkil edəcək.
Hazırda komanda üzvlərindən mərkəz müdafiəçisi Rasim Ramaldanov zədədən əziyyət çəkir. Bakıda müalicə alan oyunçunun düşərgəyə nə vaxt qoşulacağı bəlli deyil. (pfl.az)