"AFFA-dan verilən cavabı gözləyirik. Hər şey AFFA-dan və onun verdiyi qərardan asılıdı. Klub tərəfindən istər FİFA-nın cərimə haqqının , istərsə də, futbolçunun pulu tam olaraq ödənilib. Romulo Silvanonun özüdə məktubunda bildirir ki, mənim "Xəzər Lənkəran"a qarşı heç bir iddiam yoxdu".
Bu sözləri Korner.az-a açıqlamasında "Xəzər Lənkəran" klubunun icraçı direktoru Höccət Hacıyev məlumat verib. Klub rəsmisi bildirib ki, bu sadəcə olaraq futbolçunun vəkilinin uydurmasıdı:
"Bu Romulonun vəkilinin uydurmasıdı. Bizim tərəfdən futbolçuya az miqdarda pul borcu qalmışdı ki, bu da tam olaraq ödənilib. Vəkil nə iddia edir bilmirik, ancaq bizim 6 xalımızın silinməsi heç bir çərçivəyə sığmır. Premyer Liqa boyu əziyyət çəkib xal toplamışıq sonda da, xalımızı silələr… Pul cəriməsi kəsilsə bunu ödəməyə hazırıq. Çempionatın sonudu belə bir qərar verilməsini heç cür anlaya bilmirik.
Tam bilmirəm futbolçuya nə qədər ödənilməlidi. Lakin ona verilməli olan məbləğdən sadəcə 7000 dolları ödənilməmişdi ki, bunu da artıq vermişik. Romula bu pula görə, bizi FİFA-ya şikayət edib".
Səxavət QURBANOV
