Ötən gün səhər saatlarında Estoniyanın paytaxtı Tallinə çatan “Xəzər Lənkəran” yerli vaxtla saat 18:45-də “Nomme Kalyu” klubuna qarşı cavab oyununun keçiriləcəyi “Kadrioru” stadionunda məşqə çıxıb.
Korner.az-ın klubun rəsmi saytına istinadən verdiyi məlumata görə, məşqdə komanda tam heyətdə iştirak edib.-ın klubun rəsmi saytına istinadən verdiyi məlumata görə, məşqdə komanda tam heyətdə iştirak edib.
Futbolçular məşq prosesinə yüngül qaçışla başlayıb ki, ardınca isinmə hərəkətləri yerinə yetirilib. Hava limanında yubanaraq komandaya gec qoşulmalı olan Elnur Abdullayev, Kamran Abdullazadə və Akif Tağıyev isinmə hərəkətlərindən sonra məşqə ayrı proqram üzrə davam ediblər.
İsinmə hərəkətləri başa çatandan sonra komanda toplu çalışmalarla müxtəlif təmrinləri yerinə yetiriblər. Məşqin ikinci hissəsi taktiki hazırlıqlarla davam edib. Məşqin sonuna yaxın yağmağa başlayan yağış isə prosesə heç bir təsir göstərməyib.
Qeyd edək ki, “Xəzər Lənkəran” bu gün eyni saatda Estoniya Futbol Federasiyasının meydançasında oyunöncəsi son məşqinə çıxacaq.
