Antalyada təlim-məşq toplanışında olan “Xəzər Lənkəran” bu gün üçüncü yoxlama oyununu keçirib.
Korner.az-ın məlumatına görə, Lənkəran təmsilçisi bu dəfə Rumıniyanın “Timaşora” klubu ilə qarşılaşıb.
Cənub təmsilçisi meydana bu heyətlə çıxıb: Orxan Sadıxlı, Manuel Skarlatake, Elnur Allahverdiyev, Skarduelli Vanderson, Alviz Roberto, Adrian Pit, Rahid Əmirquliyev, Kamran Abdullazadə, Elnur Abdullayev, Uğur Pamuk, Gökhan Güləç.
Baş məşqçi Karles Bakes sərəncamında olan digər futbolçuları da ikinci hissədə sınayıb.
Matç rumınların qələbəsi ilə yekunlaşıb – 2:0.
Qeyd edək ki, “Xəzər Lənkəran” ilk görüşündə Qazaxıstan “Jetusu”su ilə heç-heçə oynayıb (1:1), ardınca Ukrayna “Krivbass”ına uduzub (0:6).
