Müsahibə

Xəzər Mahmudov: “Debütüm uğurlu alındı”

04.12.2019 , 17:11

“Keşlə”ni Azərbaycan kubokunun 1/4 finalına çıxaran Xəzər Mahmudov korner.az-a müsahibə verib. Matçda 2 qola imza atan gənc futbolçu uğurlu debütündən danışıb.

Komanda ilk hissənin sonlarında azlıqda qalsa da, 1/4 finala adını yazdıra bildi. Oyunla bağlı təəssüratların…

– Çox çətin oyun olacağını bilirdik. Divizion komandalarına qarşı motivasiya olmaq bir qədər çətin olur. Birinci hissədə də bunun şahidi olduq. Mübarizə apardıq və sonda da qələbə qazandıq.

– Debüt oyununda 2 qol vurdun. Çıxışını necə dəyərləndirirsən?

– Əsas komandanın qalibiyyəti idi. Öz çıxışıma gəlincə isə məncə pis alınmadı. 2 qol vurdum. Amma bununla dayanmaq olmaz. Daha çox çalışmaq lazımdır.

– Görünür bu oyun sənin üçün unudulmaz oldu…

Əsas komandada ilk oynum idi. İlk oyunda 2 qol vurmaq doğrudan da mənim üçün unudulmaz oldu. Debütüm uğurlu alındı.

– Oyundan sonra səni kimlər təbrik etdi?

– Ailəm, dostlarım və bütün “Keşlə” kollektivi məni təbrik etdi. Hər birinə təşəkkürümü bildirirəm.

– Bundan sonra “Keşlə”nin əsas heyətində yer alacağını düşünürsən?

– Mənim işim çox çalışıb, daha çox şans qazanmaqdı. Baş məşqçi şans verərsə, mən də hər zaman əlimdən gələni etməyə hazıram.

– Qarşıda sizi 1/4 finalda “Qarabağ”la oyun gözləyir. Bu qarşılaşmayla bağlı fikirlərin…

– Bildiyiniz kimi “Qarabağ” güclü kamandadı. Nəinki bizim bütün komandaların oyunları “Qarabağ”la ağır keçir. Biz də əlimizdən gələnin ən yaxşısını edib, növbəti mərhələyə çıxmağa çalışacağıq.

Mina Musayeva

Son yazılar

Yuxarı